作词 : 琼藏

作曲 : 桑杰才让

编曲：毛延隆

录音/混音：阿成仁

ཚིག ཁྱུང་བཟང་།

དབྱངས། སངས་རྗེ་ཚེ་རིང་།

སྒྲིག་བཟོ། མོ་ཡན་ལུང་།

ལེན་མཁན། སངས་རྗེ་ཚེ་རིང་།

ཁྱོད་དང་པོ་གསེར་གྱི་རལ་བ་འོད་མདངས་ཀྲིག་ཀྲིག

བར་དུ་ཤིག་དང་སྲོ་མའི་ཚང་མལ། ཨོ།

མཐའ་མར་ཡུམ་གྱི་རེ་འདོད་བསྐངས་པའི་དཔའ་བོ་ཁེར་རྒྱུག

ཨོ། བཙན་པོའི་གཉའ་ལ་བབས་པའི་གནམ་ལྕགས་ཐོག་མདའ་ཡིན།

བརྙས་དམོད་ཁྱད་གསོད་དང་དཀར་ནག་གོ་ལྡོག་གི་ཐོང་ནས་ཧར་གྱིས་བཞེངས་ཏེ།

སྡིགས་མཛུབ་གཅིག་གིས་སྨྱོ་ཧམ་ཞྭ་མོ་ཚལ་བ་དགུ་རུ་གཏོར་བར་བྱས། ཨོ།

མང་བའི་དམག་ལས་ཐུ་བ་ཁྱེད་རང་ལགས།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།

༇༞༞༞༞༞།།

ཁྱོད་དང་པོ་འགྱོད་སེམས་དྲག་པོའི་རྦ་རླབས་ཆལ་ཆིལ།

བར་དུ་བརྒལ་བ་རྨ་ཡི་གྲོང་ཁྱེར། ཨོ།

མཐའ་མར་བླ་མའི་ཐུགས་ཀྱིས་ཟིན་པའི་རྣལ་འབྱོར་དབང་ཕྱུག

ཨོ། ཆགས་སྡང་རྒྱ་ལས་ཤོར་བའི་གངས་ཀྱི་སེང་གེ་ཡིན།

འོད་གསལ་གཉུག་མ་དང་སྣང་སྟོང་ཟུང་འཇུག་གི་སྦུབ་ནས་མགུར་དབྱངས་འཐེན་ཏེ།

བདེན་པའི་ཚིག་གིས་རྨོངས་པའི་སེམས་ཅན་ངན་འགྲོའི་གཡང་ལས་སྐྱོབ་པར་བྱས། ཨོ།

བཙན་པའི་མཐུ་ལས་མྱུར་བ་ཁྱེད་རང་ལགས།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།

ཨོ། སྡུག་གི་གཏམ་རྒྱུད་རིང་མོ།

ཨོ། སྐྱིད་གི་ཨ་ཡིག་དཀར་པོ།