作词 : 尼玛才仁

作曲 : 索南扎巴

གངས་ལྗོངས་ལུང་པ་ཕུ་ཡི།།བརྗིད་རྔམ་གངས་རི་དཀར་པོ།།

གངས་ལ་ཉི་མ་ཤར་འདྲའི།།གངས་ལྗོངས་སྐྱེས་པའི་བླ་རི།།

ཨ་་་་་་ཨ་་་་་་།

གངས་ལ་ཉི་མ་ཤར་འདྲའི།།གངས་ལྗོངས་སྐྱེས་པའི་བླ་རི།།

གངས་ལྗོངས་ལུང་པ་མདའ་ཡི།།དྭངས་གསལ་གཡུ་ཡི་མཚོ་མོ།།

མཚོ་ལ་ཟླ་བ་ཤར་འདྲའི།།གངས་ལྗོངས་སྐྱེས་མའི་བླ་མཚོ།།

ཨ་་་་་་ཨ་་་་་་།

མཚོ་ལ་ཟླ་བ་ཤར་འདྲའི།།གངས་ལྗོངས་སྐྱེས་མའི་བླ་མཚོ།།

གངས་ཆབ་མཚོ་རུ་བཞུར་དུས།།མཚོ་མོའི་ཉམས་མདངས་རྒྱས་བྱུང་།།

མཚོ་མཐའི་སྤང་རྒྱན་མེ་ཏོག།མཚོ་མོའི་ཡིད་སེམས་དཀར་པོ།།

ཨ་་་་་་ཨ་་་་་་།

མཚོ་མཐའི་སྤང་རྒྱན་མེ་ཏོག།མཚོ་མོའི་ཡིད་སེམས་དཀར་པོ།།

མཚོ་རླངས་གངས་ལ་ཕོག་དུས།།གངས་རིའི་གཟི་མདངས་རྒྱས་སོང་།

དྭངས་གཙང་ཁ་བའི་འདབ་མ།།གངས་རིའི་ལྷག་བསམ་དཀར་པོ།།

ཨ་་་་་་ཨ་་་་་་།

དྭངས་གཙང་ཁ་བའི་འདབ་མ།།གངས་རིའི་ལྷག་བསམ་དཀར་པོ།།

གངས་རིས་མཚོ་མོར་བརྩེ་ཞིང་།།མཚོ་མོས་གངས་རིར་དུང་བ།།

ཕན་ཚུན་གཉིས་མཐུན་བསམ་པ།།ཡུན་དུ་བརྟན་པའི་རྟགས་ཡིན།།

ཨ་་་་་་ཨ་་་་་་།

ཕན་ཚུན་གཉིས་མཐུན་བསམ་པ།།ཡུན་དུ་བརྟན་པའི་རྟགས་ཡིན།།

ཨ་་་་་་ཨ་་་་་་།

ཕན་ཚུན་གཉིས་མཐུན་བསམ་པ།།ཡུན་དུ་བརྟན་པའི་རྟགས་ཡིན།།

ཡུན་དུ་བརྟན་པའི་རྟགས་ཡིན།།