原词/唱：Spylent

prod.bluzzlebleu

混音：@TU-JZ

粤语填词：心之洛

粤语翻唱：心之洛/祈椋

老豆啊 我去搵我同学玩喇

夜啲至返啊

咪住

啊

过嚟

咳咳

嚟 同我除咗副耳机先

你家阵係咪又要去搵雨霏先？

诶…要睇下点…

睇乜7点？

戏咁屎你仲演！

我睇晒你两个啲聊天

图文并茂

简直睇到眼冤人都就嚟癫！

几多次喇 讲到口臭生痱滋

我只准你沟仔 沟女等我死先！

啊啊啊

我个仔係异性恋

件事一旦扬出去 仲唔冚家？

好喇

闹紧你仲玩电话

你当你谷爱凌啊

以为写英文我唔识睇啊？

每日除咗玩手机

就係旷课蒲网吧

一唔係就听啲咩RAPPER

都唔知唱乜叉

叻喇叻喇

你个死doi包

有毛有翼喇

居然想同女doi啪啪

哎呀老豆啊

你淡定有钱剩

科学家啲研究最近已经搞清

男同女直接行埋呢都生到细路仔

唔一定要依靠人工授精

个社会越来越开放

你睇下啲抗议嘅声浪

特别係啲西方

话异性都可以做彼此嘅啪档

社会道德败坏喇

男女都可以行埋喇

一百岁唔死都有新闻睇啊

咁做法唔抵打

仲叫我唔使怕

有啲地方异性恋婚姻都合规合法？

价值观已不再礼乐崩塌失格

咁样都叫先进思想？

咁叫垃圾！

跨性别都唔叫不法

以后会点啊？

跨物种通婚？

以后係咪牛欢喜畀你都受啊？

唉天啊地啊上帝啊

依家谂起上帝喇？

同雨霏暧昧嘅时候谂紧乜啊？

异性恋死咗都会被上帝惩罚

上帝点会可能根据性取向去罚人呢？

我个个礼拜送你去做礼拜

睇怕你圣经完全学废晒定喇

圣经度写得一清二楚

人类嘅罪咪都係嚟自一个亚当一个夏娃咩

如果当年係一对Ｊ啊

或者一对Ｑ啊

仲有鬼新世纪仆音战士畀你睇啊

唉 宗教都係流嘅 EVA只係老作

我哋无神论国家 点会信乜上帝

等你两脚一伸直

再擘大眼

「我丢 乜真係有上帝咖？」

咁样你咪hi晒？

唔会嘅 你定啦

为咗避免咁样

我日日都诚心祈祷上帝不存在

当我求下你哋喇好冇？

嘈死人喇

一直咁bla-bla-bla V嗡嗡 嘈乜L？

咳

你见喇

咳

我晒嘢咳嗽喇

一天到晚听你哋啲人类嘅噪音

个个嘅

喊声

闹声

骂声

怨声

笑声

心声

哪怕噤声后

喺我度都会听得鬼死咁高清

知唔知道我对耳仔几痛啊你哋？

知唔知道有几痛啊你哋？

睇你做啲咩好事

激咗条乸型咸鱼返生

咸你老豆咩咸 乸你卤味咩型

我係上帝

唔係fa？

就係！

冇…冇可能係上帝

如果上帝真係存在

有Q可能得闲喺处 听我哋讲嘢？

咪想昆我

（哦）所以你就係当正自己冚棒唥也知

抛亲就即刻龟缩想要抽离

自惭如像贱命并未配有救世主

点解要嘥心机去祷告收尾？

但…但你都冇办法证明你係…

得 得 得

整件风褛畀你收起

哇喺 真係上帝！

我想求你！我个…

我都未讲完嘢 请你收皮

你哋…

唔係哩 上帝你先帮我 讲畀个仔知

男女成家死后衰梗

诶

男女成家就必须等…

必须等乜？

等我严厉追审

你听下啦

听到未啊？

啊？啊？

发瘟…

话之你同性恋异性恋

只要有细路 逝世后一定霉运

听到未啊…吓？

你头先讲乜？

err…恕我…

我耳背哈

你头先话

只要有细路

死后就有霉运…

冇错

叫你读圣经诗篇

睇怕读屎片啊

一只字都读唔入脑係咪？

万物都係我造嘅

你哋都想造人

咁算唔算係挑战我嘅权威？

人类繁衍功能唔係你畀嘅咩

你个仔异性恋基因够係你畀嘅咯

你用我畀你啲功能之前可否用下个脑谂

咪畀碌蕉你唔识剥连块皮掂吞

畀个官你搲够银就买飞移民？

畀个位你一入你就赖死唔起身？

你坐得太耐生痔疮唔通怪呢张櫈？

真係搞笑

有风你就使尽？

你点解咁凶 咪咁横硼硼先

你点样忍心将苍生繁衍截断？

苍生惨到咁样点解陀衰子孙？

好好一颗星畀你哋锄到烂面

何等悲哀只识坐井观天

你班友早应该灭绝何需悼念

海面升高冰灾水灾蝗灾未断

祸起滔天 新冠何以大乱

我畀你生一窦仔女可否过得happy?

两胎N胎出生即奔忙于超卷

出社会畀种种阶级磨折相煎

都冇家用

只能餐餐 和你食面

积蓄奀到咁都生仔我都心酸

「生仔就係福」只适于何生咁多钱

呢铺话法真係好似难听咗啲

再难听都不及你啲烂鬼填词

老豆…我…

你唔係要去搵雨霏咩？

拿拿声去啦

咪玩咁夜啊

返嚟食饭啊