幽媾 - 任剑辉 (任婉仪)/白雪仙

风吹梧桐叶落沙喇

风吹梧桐叶落沙喇

粉冷香销

泣绦纱

风飘飘

魂在望乡台下

夜萤萤

墓门开处鬼离家

行一步

心惊怕

哦

原来是赚花阴

夜犬吠萤花

倩芭蕉遮掩在荼薇架

原来是樵楼鼓

落寒更报月华

休怕

休怕

待重见窗里冤家

重续孽缘灯月下

唉吔

月色透罗帏

已是更深时候啦

重有边个嚟敲门呢吓

呀

大抵是雨打竹帘

风摇铁马定啦

开门

明明系有人叫门之声架噃

系边位呀

是我

系女人声嚟噃

呀

梗系个个小道姑

佢送茶问暖定喇

韶阳师姐呀

夜喇

唔驶啦

开门呀

佢又唔扯噃

又系嘅

人地一场心事

送茶问暖

唔开门又点得呢

不如开咗度门

接过杯茶

打发佢扯把啦

点番枝蜡烛先

唉吔

唉吔

奇

奇怪啦

点解开左度门

莫讲话人影都冇

鬼影都冇

点解呀

唉吔

唔通呢度真

喺有鬼嘅

咪讲笑

闩番度门

训觉把喇

唉吔

柳公子

呢位小姐

我同你素昧生平

点解你识得我

柳公子素昧生平

都仍可相逢梦里啰

咁相逢又何必要问相识呢

我

我望你珍重良宵刹那

小姐

到底你驾雨而来

抑或乘风而入

你几时入咗嚟我都唔知嘅

真系吓到我心

心摇意荡眼昏花啦

柳公子

所谓最难风雨故人来

不是故人又怎能乘风驾雨呢

你何必要问我点样嚟唧

我究竟都系嚟咗啰

其实

我在你心生绮念嘅时候

已经嚟咗啦

唉吔

公子

咁你既怕又何必想

既想又何必怕呢

我

我几时有心生绮念呀

纵使有

不过都系客馆寂寥

想念下画里嘅娇娃唧

你落嚟啦

叫我落黎

唔

唉吔

本来佢不明来历

我应该要避之则吉

不过你睇下佢

你睇佢意态撩人

斜倚在芭蕉树下

轻弄绦纱

真系好容易令人心

心生绮念

唔得

我要问真吓你至得

小姐

月里仙降凡尘

佢轻弄绦纱

轻弄绦纱

莫非冷烟蔽月华

她雨中竟致迷途呀迷途错归家

你系唔系呀

唔系

我寄寓寄寓在柳阴下

悲风霜乞片瓦

我非关有意有意苦追查

夜半芳斋欠奉茶

你莫借西厢送药茶

我借盏秋灯你小心归去罢

唉

叹惜我命如雾里花

杜丽娘未有家泣孤寡

我

我无家可归嘅

哦

原来你连家都冇

世间女子焉有无家之理呀

哈

我知啦

莫非天仙姐姐你爱我潇洒

偷偷降落柳生衙

可惜我一介

潦倒潦倒嘅寒儒怕有偏差

你错啦

既属有梦铸佳话

当管不了月夜

月呀夜叩奔君家

我慕君风华

我爱君风华

盼君泣月下

屈居柳阴受雾雨打

盼蝶来活了解语花

小姐

点解你忽然又泪随声下

佢泣诉多风雅

悲逝水韶华

呀

你欲仿效情花呢再萌芽

小姐

你是否系文君新寡呀

唔系

唔系呀

哦

贞花未嫁

哦你未嫁

我独处深闺未嫁

既是天仙天仙未嫁

哎吔

亦缘也

咁就福份也

哎吔

想落心中惊怕噃

心中惊怕

点解会相见焦树下

君心休怕啦

君心休怕

君不记你揖拜仙观下

风吹飞花有心报与君

在佛前为你洒

致令郎拾去我丹青画

吓

哦

咁到底你从何而来

哎吔

公子

你何必疑雨疑云惊风怕雨唧

丹青画丹青画

我生于画中

当然系来自画中啦

来自画中

莫非你就系画里真真

你睇真下

我对真下

系唔系呀

呀

真系噃

咁真与假呢

确未有差

祗系腰瘦减

一般貌似花

丹青仙姿两潇洒

被冷烟冷烟盖玉颜

销毁了铅华

骤降丹青价咯

鸳鸯帐里同梦去啰

又怕冰肌冻着了郎又怕

唔怕

唔怕

我又怕又怕听二更断续了两三下

怕月照香衾

且闭窗莫理它

唉吔

相公

柳郎

公子

唉

未闭西窗容我讲句伤情话

宋玉都应怜薄命花

决不是秋风秋雨催人嫁啰

当解花有根原玉有芽

小姐

我知道你系一点冰清

不是乱红衰柳嘅

咁到底小姐你

呀

丽娘亦有千金价

我系出黄堂太守家

劫余尚记我嘅爹娘话呀

佢话我系昆山良璧玉呀无瑕

唉

祗为惊梦游园

空累我爹娘挂

吓

惊梦游园

游园惊梦

哦

一句惊梦游园

一段丹青画恋

根深蒂固早连芽

当日在柳川

曾梦会一佳人

小立在梅花树下

佢招手问姻缘

梦醒难再续

梦梅两字我为记情花

灯下看呀丹青

执手问呀嫦娥

嗟莫是梦中人也系

唉吔

卿果是梦中人

我是黄梁客

小楼是引渡嘅仙查

倩丹青作良媒

虽未有十匣量珠

望他日文章有价

不在梅边在柳边

若许梦梅能折柳

做一个蟾宫客耀才华

我带着一表寒酸

两袖清贫

拜上黄堂谈婚嫁呀

慢

你休向堂前求父母呀

哦

莫非宰阁嫌贫呀

唔系

我恐触亲心会泪如麻

咁梗系太守堂中

不容一个白衣女婿哩

冷香闺

三载悄无人

小姑居住梗系悄无人啦

唉

剩牙床蛛网尘封残月下呀

唉吔

哦

仲估话花径不曾缘客扫

待郎采折武陵花

花是有情花

嗟我未成名终是假

柳郎

柳郎

你误会我啰

我唔系咁嘅意思嘅唉

痴心经已赠君休要弄碎情芽

丽娘心千般痛呀

请对奴笑番吓

柳郎

我要你笑

乜笑得咁肉酸嘅唧

我同你有生死之情

梗愿订生死之约嘅

唉

嗟我冰雪身都已经硬化啰

似易散嘅云霞

不堪提往事

真难言说话

借灯谜

我愿君呀你权度下

咁啦

不如我打个灯谜你猜下好吗

嗱你听住吓

灯已灭

缘已绝

待等君来临秀穴

如今都仍是半明灭

你谂吓

你明唔明白

我

我唔明白

你谂真下啦

唉

点解你个人咁聪明

而家忽然会咁蠢嘅呢

唉

妾长眠柳荫

盖面凭绦纱

在梅林夜听秋雨

任由它飘飘向墓洒

一抔冷土是我家

风吹雨打

柳郎

咁你明白未唧

我真系唔明白呀

本来我同你情意正浓

我都唔想讲你听嘅

但我而家讲到咁明

乜你都重未明白咩

什么秋灯

什么夜雨

尽是闺门伤春之句

咁我又猜下啦

灯己灭

缘已绝

书斋都灯已灭

何以对楼情未绝呢

历历莺声残楼月

哼

你慌唔喺果个坏鬼书生

发寒热咩

如果唔系呢就梗

系收埋个小道姑喺里面

谈风月定啦

好

等我阅你一阅

若果真有其说

你都几难走脱

开门开门

边个

边个

系我

送茶嚟

哦

我认得啦

系我地陈老师嘅声音嚟嘅

弊啦

弊啦

丽娘

你系太守千金

我系秀才落拓

两人都要顾体面噃

若果泄漏春光

岂不是惹人笑骂呢

你咪咁傻啦

你睇下冷月照人

秋灯放亮

无路可逃

我避无可避

你不如索性去开咗度门啦

唉吔

开门喎

得了嘅咩

男女授授不亲

何况斗室幽欢

甚于瓜田李下

唔怕哩

自古话有缘千里能相会

无缘对面不相逢

我见佢

佢唔见我嘅

点解佢唔见你呀

系睇吓

佢苍苍白发喇噃

梗喺老眼昏花啦嘛去啦

你哩埋先

得啦

我会嘅哩

你哩埋先

嚟啦

嚟啦

喂开唔开

唔开

我撞门而嚟过噃

哦

嚟

开紧啦

开紧啦

紧

紧

开紧

老师也你仲未呌呀

咁夜呌啦

你呌啦

哼

干得好事呀

做得好事

嘻嘻

嘻嘻

做咩呀

做咩呀

边个笑

咪我笑啰

嘻嘻

嘻嘻

唔系

唔系你笑得咁肉酸

嘅头先宁宁舍舍

笑得好好听嘅

响下便嚟嘅

响下便嚟

等我落去睇吓

冇人呀

乜嘢冇人呀

我要照

照一照至得

照一照咋

喂

你只手做乜嘢

做乜嘢

呀

无

嘢我

你只手做乜嘢揖揖扬扬

我只手有啲鸡爪风呀

吓

鸡爪风

我睇你啲麻雀风就真啦

岂有此理

喂

喂

喂

开嚟

开嚟开嚟

我睇你呀

唔系有多少神经病

你都梗系故弄玄虚

想遮瞒我定啦

喂

喂

喂

我明明听见间房里头有历历莺声

哼

哼

我睇你梗系收埋个小道姑

喺西窗共话哩

哦

老师

你千祈唔好咁讲呀

小道姑系一个出家人

持斋拜礼

你读书人

你唔好玷辱了百练袈娑呀

百练袈娑

哗

咦

奇啦

点解呢

喂

点解有啲花落到我成面

成头都喺嘅呢

咦

奇啦

谂谂下我身前又冇花

后面又冇花

点解有喺头壳顶

一片片咁飞落嚟

唔

狐舍

呢度唔系狐舍

就鬼墟

唉吔

想落有的可怕噃

唉

老师

呢间系南楼

就唔系狐舍

芳苑唔系鬼墟

系你老人家疑心生暗鬼唧

边度有事干得

番去早的抖啦

何必枉作搜查得

你慌我怕鬼咩

我几廿岁唔怕鬼嘅

我系老儒生怀中藏古玉

批夜卷

掌上都有朱砂

等我照一照芭蕉树

闪一闪映泉灯

忙忙解玉灯头挂

行开

行开

行开

等我照吓

行开我照埋个便

我仲要照照哩便

咦

唉吔

喂

喂秀才嚟

嚟我明明见到一个影子闪在你身后

呀

点知我一照

佢就好似化作一缕烟咁咦

好似入咗幅丹青画里便

呀

喂呢一幅到底乜野画嚟呀

吓

点解忽然间唔见左佢呢吓

老师

我而家实在都神昏智乱

你

你自己埋去睇

睇真下啦

梗睇啦

吓

奇啦

明明系有一影子缩咗入画嚟嘅

点解又唔见呢喂

唉吔

唔通古画成精

咦

唉吔

睇真吓呢个

唉吔

阴公啦

老师

呀

点解你见幅画会喊起上嚟呀

喊呀止哪

老泪纵横声咽哑

丹青画的是丽春花

立雪程门真声价

累得我饭后寻思午响茶

丽娘对我情非假

叫我如何不想她

喂

你几时偷入灵台下

何解你盗取描容挂在衙

柳梦梅

我以为你系一个寒酸嘅秀才

点不知你系一个脂粉客

你千唔该

万唔该盗取小姐遗容

挂在疏帘自赏

喂

你盗得遗容

自然会勾三搭四

我正话明明听见有女子之声

缘何不见女子之面

唔驶审

你梗系收埋个小道姑嘅

冇呢

冇呀

我明啦

小道姑梗系啦

佢又生得青靓又白净

今日日间在梅花观

你经已同佢眉来眼去

柳梦梅

你呀

我限你在半个时辰

将呢个小道姑从楼内交出

否则我就拉你上道录司衙

问你一个秽乱庵堂

勾搭道姑之罪

拉你

陈斋长到底柳秀才

有乜野事犯嚫你

令到你夜扣南楼连宵叫骂

陈斋长

我方才系小楼之外

听见你右一句

听见你右一句小道姑

左一句小道姑

到底小尼姑有乜野

同你过唔去呀

你唔应该污辱了清白人家

系咪呀

系咪呀

你咪加咀住

亚石姑

唉吔

你睇吓你个样

你真系石姑啰

你睇吓你成旧石咁

唉今晚呢件事

非同小可

我适间明明听见南楼之内

细语遇遇

莺声历历

到底呢个小道姑呀系房内而出

就系房外而入呀

你话晒上咗年纪嘅人

应该讲番句老实话呀

老冬烘

自黄昏起

小道姑都陪我在经堂敲诵

一直到现在陪我到嚟

未有离开我半步

你都分明无风作浪

过事喧哗

老师

咁你明白啦

你冤枉人

咪嘈

哈

奇啦

芳苑无人

莫不是楼中有鬼

唔系

唔系

假如我有冤枉佢

我就甘受雷劈天打

嗱石姑

除咗你呀

你两只道姑之外

太守衙内何处更有娇娃呢

旧时阵都仲话有

仲有个杜丽娘小姐呀

可惜佢都死咗三年长

哎吔

三尺桐棺都怕已随风物化

你惊呀呢

惊啦

芳苑都更无红粉在

莫非天女无端夜散花咩

秀才

你唔驶惊慌嘅

陈斋长

冇谓多事啦

咁夜搔扰人哋清雅唔好呀

求其事干过得去就了啰

休息下罢啦

秀才

睇下你呀

慌到手腾脚震做乜野呢

小道姑

明日就系杜小姐三年忌日

应该在佢坟前化些纸帛

你同我入去早为打点把啦

亚秀才

你休息下

陈斋长

唔好多事啦

返去书斋啦

岂有此你

你快的交出嚟呀

唔交出嚟

我梗拉你上道录司衙嘅

你记住嚟

哎吔

说什么丹青配

祗不过系霎眼烟霞