割麦姑娘 - 让兄多杰

ཚིག འབྲུག་ལྷ་རྒྱལ།

དབྱངས། གླིང་རྒྱལ་འཆི་མེད་ཚེ་རིང་།

ལེན་མཁན། རང་བྱུང་རྡོ་རྗེ།

གསེར་གྱི་སྙེ་རླབས་གཡོ་བའི་རྣང་ཞིང་གི་དབུས་ན།

དགོད་འཛུམ་སེམས་ཀྱིས་འཚེར་བའི་བུ་མོ་ཞིག

ཁོ་མོའི་གདོང་ན་གསེར་གྱི་ཉི་འོད་འཕྲོས་ནས་ཡོད།

རྔུལ་ཆུའི་ཐིགས་པའི་སུ་ཡི་སེམས་པ་བརླན་ནས་ཡོད།

ཟོར་ཆུང་ལེབ་མོ་བྲེལ་གྱིས་གཡུགས་པའི་དུས།

རེ་མདུན་དྲོན་མོ་ཐང་མར་བརྡལ་ནས་ཡོད།

རེ་བའི་སང་ཉིན་མཛོད་ལ་བསྡུས་ནས་ཡོད།

ཨ། ཞིང་འབྲེག་བུ་མོ།

ང་ཡི་སེམས་ཁོང་གི་ནས་འབྲུ་སྔོན་མོ།

རྣང་ཞིང་གསེར་གྱི་སྨིན་པའི་འོད་སྣང་གི་ཁྲོད་ན།

མིག་ཟུང་སེམས་ཀྱིས་འཚེར་བའི་བུ་མོ་ཞིག

ཁོ་མོའི་ཞལ་ཁྱིམ་སྟོན་གྱི་མར་ལོས་བྱུགས་ནས་ཡོད།

འཛུམ་པའི་མིག་ཟུང་སུ་ཡི་སེམས་ལ་ཟུག་ནས་ཡོད།

གླུ་ཆུང་སྙན་མོ་ལྷོད་ཀྱིས་ལེན་པའི་དུས།

རེ་མདུན་དྲོན་མོ་ཐང་མར་བརྡལ་ནས་ཡོད།

རེ་བའི་སང་ཉིན་མཛོད་ལ་བསྡུས་ནས་ཡོད།

རེ་མདུན་དྲོན་མོ་ཐང་མར་བརྡལ་ནས་ཡོད།

རེ་བའི་སང་ཉིན་མཛོད་ལ་བསྡུས་ནས་ཡོད།

རེ་མདུན་དྲོན་མོ་ཐང་མར་བརྡལ་ནས་ཡོད།

རེ་བའི་སང་ཉིན་མཛོད་ལ་བསྡུས་ནས་ཡོད།

ཨ། ཞིང་འབྲེག་བུ་མོ།

ང་ཡི་སེམས་ཁོང་གི་ནས་འབྲུ་སྔོན་མོ།