1997 - 欧阳靖

我虽然喺美国出世啊 un huh

但我都系仍然咁挂住香港 check it out yo

我记得以前细个听啲大人讲

九七之前一定要离开香港

我根本就唔识 所以无意见

回归十年後都好似无乜变

香港仍然系咁好

我返亲去个感受都真系好似解释唔到

一落机　就痴痴呆呆

好似时光倒流　回到未来

我已经变返小朋友

放暑假探紧我外婆拖住佢个手

多数喺公园吸紧新鲜空气

如果乖　仲有得去欢乐天地

或者去商场买下玩具

行街市我不嬲都唔想去

唔使买送都要兜翻两个圈

啲师奶见到就话　啊　你个孙啊

无错　个孙就系　我

眨下眼我都已经甘大个

香港就仍然咁大

除咗新机场　连迪士尼都起埋

唔知我老豆细个移民去美国

想当年 有啲乜野感觉

点都系中国人　就当系度假

离开个国家都飞唔出个手指罅

唐人戏　唐人报纸　唐人街

唐人需要嘅全部都有齐晒

2006最新嘅报告

老实讲我真系发梦都估唔到

我有呢个机会同大家分享

我啲经历　我间中都睇翻啲相

我第一次翻香港做Show

刺激过做过山车唔理佢几高

我已经算系执到金

我净系想你知　我 Rap亲都系用个心

除咗咁 I don’t know what else to say

我好开心我今日终於翻到屋企

so get ready get ready get ready

JIN：拿　老豆讲开又讲啦 其实 你几时来美国

DAD：1971年啦,我谂系咁上下啦　

JIN：咁上下啊　你　你记得啲香港乜嘢

DAD：我地果个年代十四五岁　都记得好多野嘅

不过唔同你地依家啦 香港咁发达

其实我都好挂住嘅 果个年代咧我地去启德玩嘅

好似好湿碎嘅

JIN：咁你都可以话挂住香港啦系吗?

DAD：梗系啦　话晒我都系香港竹昇嘛　ABC来嘅

JIN：香港嘅ABC啊　

DAD：系啊　啊仔唔好一味咁拍我博头啦　你问就问啦

JIN：唔系啊　咁你话晒系我老豆　我有小小压力吖嘛

DAD：咁你拍我博头 拍到我访问起上来我都惊,我都有压力嘎嘛

JIN：喂你有压力　我都有压力　　

DAD：我都好大压力嘎　问啦继续问啦

你唔好一味甘拍我博头啦　

等我依家讲到窒晒口啦,你想唔想访问啊

JIN：想想想

DAD：你想访问就同我讲道歉先啦

JIN：OKOK　对唔住

DAD：道歉要握手先得嘎　

JIN：hahahaha